| بے مثل مصطفیٰ کا پیارا جمال ہے |
| یکتا حبیبِ ربی اپنی مثال ہے |
| حسنِ نبی خدا سے ہستی میں باکمال |
| ڈھونڈو نہ دہر میں یہ ملنا محال ہے |
| عترت نبی میں طاہر ہر فرد ہے حسیں |
| جن پر درودِ حق ہے جو لا زوال ہے |
| عشقِ نبی کو سمجھا جن سے جہان نے |
| وہ گھر ہے مصطفیٰ کا ہستی میں خال ہے |
| حسن و جمالِ دیں بھی جن سے عیاں ہوا |
| یہ حیدری ہے گلشن آقا کی آل ہے |
| صد ہا درود ان پر بے حد سلام ہیں |
| ان کے لیے ثنا سب اور قیل قال ہے |
| ہے خارہ بھی طلائی جس کیمیا سے دل |
| وہ فیضِ مصطفیٰ کا نوری کمال ہے |
| یہ نورِ الضحیٰ جو کونین کی ہے جاں |
| اس خلق کی حرارت گردوں کی چال ہے |
| محمود دہر تاباں جس نور سے ہوا |
| عکسِ جمالِ رب وہ اپنی مثال ہے |
معلومات