الله کے کرم سے اپنی تو ہے بات مدینے والے سے |
کستوری و عنبر سے اچھی خوشبو کے پسینے والے سے |
آقا کو نہ اپنے جیسا کہو ایمان تقاضا کرتا ہے |
یہی اہل ایماں کا تقاضا ہے دنیاں میں جینے والے سے |
دیکھے گا غضب سے ان کو خدا جن کے ہے دلوں میں بغض نبی |
رکھ تو بھی عداوت دیوانے سرکار کے کینے والے سے |
اے ساقیِ کوثر بھر کے پلا اک جام محبت نظروں سے |
پوچھو تو مزا ہے کیا اس میں شب ہجرت پینے والے سے |
الله ولی ہے ان کا جو آقا کے طریق میں رہتے ہیں |
اے غافل تو بھی کر الفت نشرح کے سینے والے سے |
عاتیق تو اپنے آقا کی نعتوں کا قرینہ سجائے جا |
الله کی محبت ہے بے شک آقا کے قرینے والے سے |
معلومات