| کیسے کہوں، وہ مجھ سے وفا کرتا ہے؟ |
| جب ملتا ہے، تو مجھ کو خفا کرتا ہے |
| محبت نسب میں شامل نہیں شاید |
| اسی لیے وہ مجھ سے جفا کرتا ہے |
| دل میں کبھی تمنّا نہ کی ملنے کی |
| کرتا ہے، تو بچھڑنے کی دعا کرتا ہے |
| یا میرے منہ پہ وہ جھوٹ بولتا ہے |
| یا ابھی وہ میرا کچھ حیا کرتا ہے |
| مجھ سے ملنے نہیں آتا، الگ بات مگر |
| میری گلی میں وہ کبھی آیا کرتا ہے |
| زود فراموش تھا، یا انا کا بیمار تھا |
| کون یوں اپنے گھر سے جایا کرتا ہے؟ |
| جفا کا درد الگ، ایک یہ درد کہ وہ |
| رقیب کے دل کو بہلایا کرتا ہے |
| ڈر ہے، آنکھوں کی بینائی نہ چلی جائے |
| جب وہ یوں سامنے آیا جایا کرتا ہے |
| اُس کا دل بھی کتنا بےمروّت ہے |
| کون کسی کو پل بھر میں بھلایا کرتا ہے؟ |
| وہ جذبات سے عاری، محبت سے تہی |
| اک میں ہوں، جو اُسے روز منایا کرتا ہے |
| چہرے پہ تکلّف کی شعائیں عیاں ہوتی ہیں |
| جب وہ مجھ سے ہاتھ ملایا کرتا ہے |
| اُس کی جفا کا خیال جب دل میں آتا ہے |
| دل میرا، ادریس، جیسے مر جایا کرتا ہے |
معلومات