حرفِ آخر ہے کہہ دیا جو بس |
میں نے ہونا نہیں ہے ٹس سے مَس |
تم کو میرے کلام پر شک ہے |
وہ جو کانوں میں گھولتا ہے رس |
ہے ادب سے مرا تعلّق یوں |
ڈگریاں پڑھ کے لیں برس ہا برس |
شاذ ہی ڈگریاں ملا کرتیں |
اب تو لیتا ہے ہر کس و نا کس |
میرے جیسا ملے گا کب کوئی |
روز ملتے ہیں آپ جیسے دَس |
آپ بھی تو کمال کرتے ہیں |
سارے مل کر رہے ہیں مجھ پر ہنس |
آپ نے جو کہا وہ ٹھیک کہا |
بات آئی نہیں سمجھ میں بس |
آپ سب سے مہان ہیں مانا |
کوئی شک و شبہ گمان عبث |
آپ سے کچھ کہوں مجال ہے کیا |
ناگ نے کیا لیا ہے مجھ کو ڈس |
آپ ہی کا خیال ہے غالب |
مجھ کو لالچ نہیں نہ کوئی ہوس |
آپ کے بِن کریں گے کیا یاں ہم |
آپ کے بن جہاں لگے یہ قفس |
آپ ہی سے یہاں پہ رونق ہے |
پیار کرتے ہیں سارے آپ سے بس |
معلومات