| کس سے اب عرضِ مدعا کیجے |
| شہر کا شہر ہے خفا، کیجے |
| ہم تو خود سے بھی اب نہیں ملتے |
| آپ سے مل کے بھی کیا کیجے |
| عشق کا روگ تو پرانا ہے |
| درد بڑھ جائے تو دعا کیجے |
| ہم نے سیکھی ہے ایک ہی تسبیح |
| جس سے ملیے اسے گلہ کیجے |
| دل کی بستی اجڑ ہی جانی ہے |
| کیوں نہ اس کو ابھی فنا کیجے |
| تیغ چلتی ہے بات بات پہ اب |
| ایسے ماحول میں کیا کیجے؟ |
| اک تماشا ہے یہ حیاتِ عزیز |
| دیکھیے اور واہ وا کیجے |
| آپ کو تو ہے بے رخی کی لت |
| ہم بھی اب خود کو لاپتا کیجے |
| رخ بدلتا ہے روز ہی موسم |
| آپ کیوں فکرِ ناخدا کیجے |
| شاعری تو ہے خونِ دل کا نچوڑ |
| خون تھوکوں تو مرحبا کیجے |
معلومات