| اردو غزل |
| کسی کی یاد میں اک عمر بتا دی میں نے |
| دل کو اس جرم کی یہ سخت سزا دی میں نے |
| وہ کہانی جو مجھے لفظ بہ لفظ آتی ہے |
| اس کو اس بار وہی پھر سے سنا دی میں نے |
| اپنے نا کردہ گناہوں کا تقاضا یہی تھا |
| زیست قیدی کی طرح اپنی بنا دی میں نے |
| عمر بے کار گزاری ہے مجھے لگتا ہے یہ |
| بھوکوں کو کھانا نہ بیوہ کو ردا دی میں نے |
| نا خداؤں نے بھنور میں مجھے جب چھوڑ دیا |
| ایسے میں خالقِ بر حق کو صدا دی میں نے |
| روشنی کی جو ضرورت تھی مجھے آج انور |
| اپنے جلتے ہوئے زخموں کو ہوا دی میں نے |
| انور نمانا |
معلومات