| غزل |
| لوگ بے حس بہت بولتے رہ گئے |
| چند حساس دِل سوچتے رہ گئے |
| زُلف بل کھا کے عارض پہ ڈستی رہی |
| دُور عشاق سب دیکھتے رہ گئے |
| مثلِ آہو تجسس رہا عمر بھر |
| دشتِ اِدراک میں دوڑتے رہ گئےَ |
| عرضِ حالِ جگر کی نہ فرصت ملی |
| لطفِ دیدار میں دیکھتے رہ گئے |
| بَن میں دادِ تماشا کی حسرت لئے |
| پنکھ پھیلائے ہم ناچتے رہ گئے |
| چشم و دل تھے اسیرِ ہوس اس قدر |
| مثل گدھ وہ بدن نوچتے رہ گئے |
| خسروِ وقت طوطی شہاب آپ کی |
| قَدر دانِ سخن ڈھونڈتے رہ گئے |
| شہاب احمد |
| ۲۱ جولائی ۲۰۲۶ |
| متدارک مثمن سالم |
| فاعِلن فاعِلن فاعِلن فاعِلن |
معلومات