| تمہارے عشق پر لڑکی مجھے حیرانی ہوتی ہے |
| دکھے نا وہ تو آنکھوں میں ترے ویرانی ہوتی ہے |
| خیالِ یار سے دل میں ترے تابانی ہوتی ہے |
| تری آنکھوں کی لالی عشق میں ایمانی ہوتی ہے |
| مجھے حیرانی ہوتی ہے کہ اک سلجھی ہوئی لڑکی |
| دیارِ عشق کے مکتب میں کیوں مستانی ہوتی ہے |
| جو خود کو وار کے عزت کی چادر عشق پر ڈالے |
| وہی لڑکی تو یارو لیلٰی سی دیوانی ہوتی ہے |
| اگر نا بات ہو اس سے تو کیسی آفت آتی ہے |
| شکن ہوتی ہے چہرے پر عجب پیشانی ہوتی ہے |
| محبت میں جو خود کو مار دے مجنوں ہے کہلاتا |
| خرد کی عقل کی دنیا میں یہ نادانی ہوتی ہے |
معلومات