| جس دل میں سوزِ پیہم اور فکر کی اگن ہے |
| وہ ہی ہے قیس ثانی وہ ہی تو کوہ کن ہے |
| ہر شخص کو اسی سے حاصل ہوئی بلندی |
| جس کام میں بھی ثانی محنت ہے اور لگن ہے |
| کانٹوں کی سختی جھیلے شعلوں کی گرمی لے لے |
| وہ ہی وہ پھول ہے جو سرمایۂ چمن ہے |
| وہ محنتی جفاکش فکر و لگن کا طائر |
| جس کی ہر ایک لحظہ افلاک پر اڑن ہے |
| محنت ہی تھی کہ جس نے اعزاز یہ یہ بخشا |
| اب ہے امیرِ لشکر اب میرِ انجمن ہے |
| قاتل کو تو بلاؤ اب زور آزما لے |
| یہ خاکسار اب تک باندھے ہوئے کفن ہے |
| یارانِ مے کدہ سے ہر ایک رشتہ ٹوٹا |
| اب دل ہی آخری سی امید کی کرن ہے |
| لیلیٰ کی آرزو سب ہے قیس کے سہارے |
| فرہاد سے ہی شیریں کی زلف پر شکن ہے |
معلومات