| نکل کے آنکھ سے آنسو یہ موتیوں کی طرح |
| منا رہے ہیں محبت کی مات کا ماتم |
| ذرا سا دیکھ لو اِن کو بھی جن کی آنکھوں نے |
| بدن کی موت پہ رکھا ہے ذات کا ماتم |
| نہ دن نے ساتھ دیا اور نہ رات تھم پائی |
| تمام عمر رہا یونہی رات کا ماتم |
| نگاہِ شوق میں ابھرا وہ تشنگی کی طرح |
| لبوں کو سی کے کیا ہم نے بات کا ماتم |
| نہ تشنہ لب تھے۔سمندر تھے اپنی قدرت میں! |
| تو کس کے غم میں کیا تھا فرات کا ماتم؟ |
| تو جسم پھینک دیا روح کی ضرورت میں |
| پھر اُس کے بعد کیا باقیات کا ماتم |
| خودی کو توڑ کے ہی تو بنائی تھیں خوشیاں |
| کہ اشک پی کے کیا انبساط کا ماتم |
| سید ہادی حسن |
معلومات