| نیک طینت کے جو سایہ میں جواں ہوتا ہے |
| اس کی پیشانی سے ایمان عیاں ہوتا ہے |
| غیر کے حزن پہ اظہار خوشی سے توبہ |
| جینا اس طرح مگر بار گراں ہوتا ہے |
| اپنے غم بھول کے ہونٹوں پہ ہنسی ہے لوٹی |
| "وہ تبسم جو حقیقت میں فغاں ہوتا ہے" |
| حکمرانی چلی ہے جور و ستم کی اکثر |
| رحم کمزور پہ ہو جائے، اماں ہوتا ہے |
| پر تعفن ہے کسی چیز میں ٹھہراؤ ہو |
| چشمہ پاکیزہ رہے گا جو رواں ہوتا ہے |
| داد و تحسین ہے اس شخص پہ جو مخلص ہو |
| درد ملت کا بھی سینے میں نہاں ہوتا ہے |
| ہوتے ہیں دوسروں کے دکھ میں جو شامل ناصؔر |
| شادمانی سے بھرا ان کا جہاں ہوتا ہے |
معلومات