| کیا شانِ مصطفائی کون و مکاں ہیں اُن کے |
| لولاک شان اُن کی دونوں جہاں ہیں اُن کے |
| یہ جانِ جاں کریمی دلدار یزداں بھی ہیں |
| دانائے خلقِ رحمٰں سارے زماں ہیں اُن کے |
| سالارِ دین ہادی محشر کے بھی ہیں دولہا |
| جو حشر میں لگیں گے وہ سائباں ہیں اُن کے |
| دن رات کے تغیر گردوں کی گردشیں سب |
| شمس و قمر ستارے بھی تشنگاں ہیں اُن کے |
| سب انبیائے سابق لائے خبر تھے اُن کی |
| ملتے جہانِ کن میں روشن نشاں ہیں اُن کے |
| ساغر جمالِ حق کے دربارِ مصطفیٰ دے |
| کوثر سے جام سارے ملتے رواں ہیں اُن کے |
| گلشن میں رونقیں سب اُن کے ورود سے ہیں |
| محمود فیض سب پر رہتے عیاں ہیں اُن کے |
معلومات