| جلوے الگ حسین رُخِ ماہتاب کے |
| سونے پہ ہیں سہاگہ اشارے جناب کے |
| لب تیرے جیسے ساغَر و مینا ہیں ساقیا |
| نظروں میں ہیں سرور سے مثلِ شراب کے |
| جادو یوں چل گئے مرے دل پر دماغ پر |
| اس حسنِ بے مثال کے تیرے شباب کے |
| ہونٹوں پہ لگ رہی ہے یوں مسکانِ قاتلاں |
| جیسے ہوں چار چاند تری آب و تاب کے |
| دیوانہ کر کے چھوڑیں گے مجھ کو ترا صنم |
| تیرے بدن سے پھوٹتے جھونکے گلاب کے |
| دیدار ہو کلام ہو قربت ہو صبح و شام |
| ارمان کم نہیں دِلِ خانہ خراب کے |
| حامد ہر اک گھڑی ہے قیامت ترے بنا |
| سمجھا نہ تو اشارے مرے اضطراب کے |
معلومات