| آنکھ لڑا کر دل بھی دے کر جاں بھی اسے انعام کیا |
| خلق بھی نوحہ خواں ہے ثانی تو نے یہ کیا کام کیا |
| کیا بھوری سے کیا کالی سی دونوں کو شانہ بخشا |
| کیا اوپر کا کیا نیچے کا دونوں لب کو جام کیا |
| چپکے دونوں لب جیسے کہ گوند سے دونوں چپک گئے |
| ایسے چمٹے دونوں جسم جیسے کہ ادغام کیا |
| ہلے زلف و رخ تھے تیرے اور اب تیری یادیں ہیں |
| کام ہمیشہ پیش رہا ہے کب ہم نے آرام کیا |
| ہم تو راہ پہ لانے میں یوں ازل سے تھک تھک جاتے ہیں |
| راون ہی ہوگا وہ جس نے تجھ جیسے کو رام کیا |
| چشمِ خلائق آج ہمارا سارا تماشا دیکھے گی |
| درد کو کیوں وہ دور کریں گے جس کو تو نے عام کیا |
| چشم و ابرو سے بدنامی ثانی کی تقدیر ہوئی |
| چشم زدن میں ان دونوں نے ہم کو بھی بدنام کیا |
| خون کے دریا داد میں اس کی دل سے ہمارے بہتے ہیں |
| برق گرا کے جس نے ہم کو جینے کا پیغام کیا |
| گیسوئے پرخم میں سر کو یوں ایسے چھپائے بیٹھے ہو |
| بوئے وفا اس میں بھی ہوگی خوب خیالِ خام کیا |
| تب تب قسمت گردش میں ہو یہ جب ایسے گھومے ہے |
| تیری کتھئی آنکھوں کو بھی چرخِ نیلی فام کیا |
معلومات