یہ عشقِ نبی جو عطائے خدا ہے |
غلاموں کو کرتا سخی بادشاہ ہے |
ہے ان کی محبت میں گرداں یہ گردوں |
دہر کا وظیفہ انہی کی ثنا ہے |
اطاعت نبی کی ہے شاہی سے بڑھ کر |
سلاطیں سے بر تر نبی کا گدا ہے |
فقید المثل دیکھو خیرات ان کی |
رکھیں گھر میں فاقہ ارم بٹ رہا ہے |
لعابِ نبی جو ہے تریاقِ کامل |
یہ بے نور آنکھوں کو کرتا ضیا ہے |
چھڑی ان کے ہاتھوں میں تلوار جیسی |
بدر میں جو دیکھو ہوا ماجرا ہے |
خدا نے کہا ان کو پہچاں ہو اس کی |
یہ قرآن پھر ان کو اس نے دیا ہے |
اے محمود دلبر دلوں کی ندا ہیں |
نبی سے محبت رضائے خدا ہے |
معلومات