| سرابِ دشتِ تمنا میں دن تو ڈھلتا ہے |
| مگر پہاڑ سا اک درد کب پگھلتا ہے |
| درونِ ذات کی گہرائیوں میں جھانکوں تو |
| ذرا سی چاپ ابھرتی ہے، دل دہلتا ہے |
| کسی کی آنکھ کے گوشے میں اک ستارے سا |
| کوئی تو اشکِ گراں بار سا مچلتا ہے |
| گرا ہوا ہے مرا سائبانِ جاں لیکن |
| ترے گمان کے سائے میں یہ سنبھلتا ہے |
| سیاہ رات کا آسیب یوں اترتا ہے |
| کہ اپنے جبڑے میں سارے دیے نگلتا ہے |
| مسافروں کی طرح اجنبی سے رستوں پر |
| کوئی خیال ترا در بدر ٹہلتا ہے |
| فریبِ وعدۂ فردا کے جھوٹے قصوں سے |
| یہ طفلِ دل مرے یارو کہاں بہلتا ہے |
معلومات