| میں تیری کہانی میں سدا رہ نہیں سکتا |
| جیسے تُو جوانی میں سدا رہ نہیں سکتا |
| میں رہ نہیں سکتا سدا موجوں کے سفر میں |
| دریا ہوں روانی میں سدا رہ نہیں سکتا |
| چپ چاپ نکل جاؤں گا میں دشتِ خرد سے |
| میں نقل مکانی میں سدا رہ نہیں سکتا |
| مانگے ہوئے جیون کی دلدوز صدا پر |
| ماضی کی نشانی میں سدا رہ نہیں سکتا |
| باسی ہوں کڑی دھوپ کا جلنا ہے مرا کام |
| میں شام سہانی میں سدا رہ نہیں سکتا |
| بےکار سے الفاظ کا بےجوڑ بشر ہوں |
| مہمل ہوں معانی میں سدا رہ نہیں سکتا |
معلومات