| ہر زندگی کے موڑ پہ تقویٰ رہے شعار |
| قرآں کا حکم ہے یہی آیا جو بار بار |
| تقویٰ کی راہ کہتے ہیں باریک ہے بہت |
| چلنا ہے پُل صراط پہ جس کی ہے تیز دھار |
| دنیا کی ہر قدم پہ کشش کھینچتی تو ہے |
| ترجیح دِیں کو دیتا ہے بندہ جو ہوشیار |
| شیطاں بُلائے کتنے حسیں روپ دھار کر |
| انساں رہیں ہمیشہ ہی اس سے سَتیزہ کار |
| تقویٰ کو جو سمجھ نہ سکیں دھوکہ کھاتے ہیں |
| ظاہر کو دیکھ کر ہی وہ کرتے ہیں جاں نثار |
| تقویٰ کے امتحان میں جو کامیاب ہوں |
| وہ سر بُلند فخر سے پاتے ہیں افتخار |
| ہر حکم جو خدا کا ہے اس پر عمل کریں |
| تا بخش دے خدا انہیں بیڑہ ہو ان کا پار |
| تقویٰ کے ہر قدم کی بنا عاجزی پہ ہو |
| نخوت کا متّقی کوئی پہنے کبھی نہ ہار |
| مغرور اُس کے قُرب کو حاصل نہ کر سکے |
| اُس کو پسند آئے ہے بندے میں انکِسار |
| طارق خدا کے فضل سے توفیق یہ ملے |
| ایسا عمل ہو نیک کہ پا جائیں رب کا پیار |
معلومات