| دھند میں لپٹا تھا اتنا خواب بھی بنتا نہ تھا |
| شور اتنا سر میں تھا باتیں کوئی سنتا نہ تھا |
| کانچ کی دیوار اپنے درمیاں حائل رہی |
| وہ مجھے دکھتے تھے شاید میں انہیں دکھتا نہ تھا |
| میں بکھرتا جا رہا تھا پر مجھے پروا نہ تھی |
| جو بھی ٹکڑا گر رہا تھا میں اسے چنتا نہ تھا |
| روز لگتا تھا کہ میلوں کی مسافت طے ہوئی |
| ہفتوں ہفتوں جارپائی سے مگر اٹھتا نہ تھا |
| سامنے رہتا تھا میرے لوگ یہ کہتے تھے کیوں |
| یہ تمہارا وہم ہے وہ تو کبھی آتا نہ تھا |
| ننگے پاؤں اس کے پیچھے بھاگتا تھا رات بھر |
| پر کوئی بھی راہ کا پتھر مجھے چبھتا نہ تھا |
معلومات