| اترا ذرا نقاب تو دنیا بدل گئی |
| دیکھا ترا شباب تو دنیا بدل گئی |
| تیری نگاہ ناز سے موسم بدل گیا |
| مہکا ذرا گلاب تو دنیا بدل گئی |
| تو نے اٹھائی آنکھ تو روشن ہوا جہاں |
| دیکھا ترا جو خواب تو دنیا بدل گئی |
| ساقی تری شراب میں کیسا سرور تھا |
| پی کے تری شراب تو دنیا بدل گئی |
| میں نے کہا حضور تو تو نے کہا نہیں |
| تو نے کہا جناب تو دنیا بدل گئی |
| دنیا کی کیا کہوں کہ یہ دنیا عجیب ہے |
| سن کے ترا جواب دنیا بدل گئی |
| بے چین و بے قرار تھا فیضان آجکل |
| پڑھ لی نئی کتاب تو دنیا بدل گئی |
| فیضان حسن طاہر بھٹی |
معلومات