| لادوا درد کی دوا کر دے |
| حوصلہ دل کو مسکرا کر دے |
| دل کو کچھ تو قرار مل جإے |
| چین إٓے اِسے دعا کر دے |
| آج دل ڈوبنے کو ہے میرا |
| آج تنکا ہی آسرا کر دے |
| ظلمتِ ہجر دل کو ڈستی ہے |
| دل میں روشن مرے دیا کر دے |
| کر کے اقرار پھر سے چاہت کا |
| پھر یہ سوکھا شجر ہرا کر دے |
| عمرِ رفتہ گزر نہ جإے یوں |
| زندگی کچھ تو اب عطا کر دے |
| جان باقی ہے میں فدا کر دوں |
| بھول کر ہی کبھی وفا کر دے |
| تلخیاں چھوڑ لوٹ کر آ جا |
| عشق میرا صنم روا کر دے |
| بھول کچھ پل یہ دشمنی حامد |
| چند لمحوں میں انتہا کر دے |
معلومات