| چراغ وفا کو جلاتا چلا جا |
| تنفر جہاں سے مٹاتا چلا جا |
| غموں میں سدا مسکراتا چلا جا |
| کشادہ دلی کو دکھاتا چلا جا |
| صلہ رحمی کا راستہ پر مہک ہے |
| غریبوں سے یاری نبھاتا چلا جا |
| فضائیں ہیں آلود آمیز لیکن |
| برائی سے دامن بچاتا چلا جا |
| خدا کا کرم ڈھونڈتا ہے بہانہ |
| ندامت کے آنسو بہاتا چلا جا |
| گلہ شومئی ء بخت کا نا روا ہے |
| سعی سے مقدر سجاتا چلا جا |
| ہے گر خواب زریں فروزاں یہ ناصؔر |
| تو پھر حسن تعبیر لاتا چلا جا |
معلومات