| نیک ہے, مُہذب ہے, حق ہے سیرتِ عثمانؓ |
| حق دِلوں پہ ہی کُھلتی ہے حَقیقتِ عثمانؓ |
| اُونچی ہے بہت ہی اُونچی ہے رِفعتِ عثمانؓ |
| کیا بَیاں ہو گی ہم سے شان و شوکتِ عثمانؓ |
| کر رَہے تھے ابنِ حیدرؑ حفاظتِ عثمانؓ |
| کُل زَمانے نے دیکھی جاہ و حشمتِ عثمانؓ |
| اِن کا رُتبہ اُونچا ہے, اِن کی شان اعلیٰ ہے |
| یہ ہیں جامعِ قرآن, یعنی حضرتِ عثمانؓ |
| ہیں یہی حَیا والے, ہیں یہی رَضا والے |
| دیکھ عِصمتِ عثمانؓ, دیکھ زینتِ عثمانؓ |
| روزِ حشر خوش ہوں گے, میرے مصطفیٰؐ مجھ سے |
| ہے بَسی ہُوئی میرے دل مِیں اُلفتِ عثمانؓ |
| یہ رَفیق ہیں فردوسِ بَریں میں حضرتؐ کے |
| کس بَلندِی و رِفعت پر ہے قسمتِ عثمانؓ |
| ہم نے بیعتِ رِضواں سے یہ جانا ہے شاہدؔ |
| دستِ روحِ عالمؐ ہے دستِ حضرتِ عثمانؓ |
| محمدشاہدؔعلی صابری |
معلومات