| جو داماں بھرا ہم گدا دیکھتے ہیں |
| سخی مصطفیٰ کی سخا دیکھتے ہیں |
| بھرے دلربا کے خزانے خدا نے |
| زماں سارے اُن کی غنیٰ دیکھتے ہیں |
| ملا دینِ کامل نبی مصطفیٰ سے |
| سدا جن کے در سے بھلا دیکھتے ہیں |
| جو نوری سحر سے رواں سلسلہ ہے |
| چمن اس میں اُن کی ضیا دیکھتے ہیں |
| عُلیٰ ڈنکے اسمِ محمد کے ہر جا |
| سرِ عرش جس کو لکھا دیکھتے ہیں |
| ہے سجین سے انساں اوپر جو آیا |
| کرم مصطفیٰ کا دیا دیکھتے ہیں |
| انہیں شاد رکھنا ہے وعدہ خدا کا |
| وہ محبوبِ رب ہیں کھلا دیکھتے ہیں |
| درود ان پہ مولا کے ہر آن آئیں |
| زماں کرتے سارے ثنا دیکھتے ہیں |
| اے محمود اُن کی نظر کیمیا ہے |
| حجر کو جو کرتی طلا دیکھتے ہیں |
معلومات