| غیروں کو بھی نوازیں فیضان یہ غنی کے |
| تحفے ہیں کبریا سے الطاف میں سخی کے |
| دریائے رحمتوں کا کوئی کہاں کنارہ |
| ہستی کے ادنیٰ پر بھی انعام سروری کے |
| رب کا ارادہ کن تھا اعیانِ ثابتہ میں |
| آیا یہ حکم لیکن انوار میں نبی کے |
| یہ طول و عرضِ ہستی ان میں چہل پہل یوں |
| علت ہیں زینتوں کی الطاف رہبری کے |
| کونین میں حسن یوں اُن کے ورود سے ہے |
| رونق کریں فزوں جو ہیں گام ہاشمی کے |
| مبدا معاد ہستی علمِ نبی میں آیا |
| اقوالِ مصطفیٰ ہیں انوار آگہی کے |
| محمود خلق اولیٰ نورِ محمدی ہے |
| جانے خدا حقائق اُس تارِ زندگی کے |
معلومات