| ادھر ہے کفر کا لشکر ادھر ابو طالب |
| مِرے حضورﷺ پہ رکھتے نظر ابو طالب |
| نبی ﷺ کے واسطے تنہا جہاں سے لڑ سکتے |
| قسم خدا کی وہ رکھتے جگر ابو طالب |
| مجال کس کی جو الجھے رسولِ اکرمﷺ سے |
| ہمیشہ رہتے جو سینہ سپر ابو طالب |
| رسولِ پاکﷺ سے اک پل جدا نہ رہ سکتے |
| نبی ﷺ کے ساتھ میں کرتے سفر ابو طالب |
| کہیں بھی آپ کی تمثیل مل نہیں سکتی |
| نہ بھول آپ کو سکتے بشر ابو طالب |
| زمانہ رشک کرے آپ کی محبت پر |
| سلام کرتے ہیں اہلِ نظر ابو طالب |
| قیاس کوئی تصدق کبھی نہ کر سکتا |
| مقام آپ کا کس کو خبر ابو طالب |
معلومات