| دریا میں سمندر میں ہواؤں میں تمہی ہو |
| اس خاک پہ افلاک کی راہوں میں تمہی ہو |
| پلکوں پہ چمکتے ہوئے موتی بھی تمہارے |
| دھڑکن کی ہر اک لہر کی بانہوں میں تمہی ہو |
| میں لوح مقدر پہ ترے امر سے ابھرا |
| ڈوبی ہوئی نبضوں کی نگاہوں میں تمہی ہو |
| دلدار ہو ساجن ہو پیا میت ہو میرے |
| ہر سمت محبت کے سہاروں میں تمہی ہو |
| تم عرش معلیٰ کے مکیں در پہ تمہارے |
| مخلوق جو مانگے ہے دعاؤں میں تمہی ہو |
| ابھرے ہوئے سورج کی تپش حکم ہے تیرا |
| بپھری ہوئی موجوں کی اداؤں میں تمہی ہو |
| کھینچے ہے کشش اور بھی کچھ درد کے مارے |
| واللہ مرے درد کی آہوں میں تمہی ہو |
| ادنی سا ہے بندہ اویس اس پہ کرم ہو |
| پھیلی ہوئی جھولی کی صداؤں میں تمہی ہو |
معلومات