| ذکرِ نبی میں مولا لذت نصیب ہو |
| ہر کارِ خیر والی ہمت نصیب ہو |
| یہ مال جان عزت اُن پر نثار سب |
| عشقِ حبیب دے جو طاقت نصیب ہو |
| دیکھوں دلِ حزیں کو دنیا سے بے نیاز |
| یوں دانِ مصطفیٰ سے راحت نصیب ہو |
| سرکار کا مدینہ کونین کی ہے شاں |
| سطوت کے جلوے دیکھوں رِقّت نصیب ہو |
| ہے دل کو آس ہر دم روضہ کریم کی |
| منظر ہوں سامنے وہ لذت نصیب ہو |
| گزریں یہ رات دن اب نوری مدینہ میں |
| مسجد میں حاضری کی قربت نصیب ہو |
| محمود یہ دعا ہے مولا کریم سے |
| مجلس میں حاضری کی طاقت نصیب ہو |
معلومات