جو تشریف لائے نبی مصطفیٰ |
مدینے کو گوناں سجایا گیا |
یہ خطہ درخشاں منور ہوا |
کہ آئے ہیں اس جا حبیبِ خدا |
کرم کی مدینے سے آئی ہوا |
معطر ہے کتنی دہر کی فضا |
ملی اس کو عزت خلق میں بڑی |
کہ سلطاں یہاں ہیں نبی مصطفیٰ |
ہے شاہِ جہاں کا حرم بھی ادھر |
جہاں نوریوں کا گزر ہے سدا |
بھریں جھولیاں سارے مہمان آئے |
مدینے سے خالی کوئی کب گیا |
ہیں نعمت کے قاسم سخی دلربا |
خدا کے خزانے نبی کی عطا |
ازل سے جو داتا ہیں صلے علیٰ |
ہیں محمود ہادی نبی مصطفیٰ |
معلومات