| بحرِ جود و سخا ہیں مرے مصطفی |
| مالکِ کل ہیں وہ ،دو جہاں کے شہا |
| انکا ثانی نہ مخلوق میں کوئی بھی |
| وہ امامِ رُسُل ہیں، وہ خیرالوری |
| جن کی قسمیں اٹھاتا ہے ربِّ جہاں |
| وہ ہی خیرالبشر ہیں ،حبیبِ خدا |
| مصطفی کے فقیروں میں ہیں بادشاہ |
| آقا بحرِ سخا ہیں،سراپا عطا |
| ربِ عالم نے ایسی کی خلقِ نبی |
| وہ کہ شمس الضحیٰ ہیں وہ بدرالدجی |
| نعرہ ہر ایک سنی کے لب پر یہی |
| مصطفی دلربا، مصطفی رہنما |
| کر دیں عاجز پہ چشمِ کرم یا نبی |
| آپ شافع ہمارے، شہِ دو سرا |
معلومات