| تن سے جاں نکلنے میں ، دیر کتنی لگتی ہے |
| ہڈیوں کے گلنے میں، دیر کتنی لگتی ہے |
| کام جب نکل آئے، مطلبی رفیقوں کا |
| ان کا من بدلنے میں، دیر کتنی لگتی ہے |
| نیک رہ پہ چلنا تو، رب کا ہے کرم ورنہ |
| پاؤں کے پھسلنے میں دیر کتنی لگتی ہے |
| پیار کی جو خوشیاں ہیں کھل کے جی لو اے یارو |
| غم کا دیپ جلنے میں دیر کتنی لگتی ہے |
| چار دن کی دولت پر کیوں غرور کرتا ہے |
| دیکھ! بخت ڈھلنے میں دیر کتنی لگتی ہے |
| باغباں! نظر رکھنا ظالموں کی حرکت پر |
| کلیوں کے مسلنے میں دیر کتنی لگتی ہے |
| عزم ہو برائی کو، شہر سے مٹانے کا |
| گندگی کچلنے میں دیر کتنی لگتی ہے |
معلومات