| عہدِ نو میں علم کا بیڑہ اٹھایا آپ نے |
| پھر سبق توحید کا سب کو پڑھایا آپ نے |
| کھولے تالے ذہن کے بابا قلندر اولیاء |
| پردہ سب کی آنکھ کا وہ بھی ہٹایا آپ نے |
| انفس و آفاق میں اللہ کی قدرت سے وہ |
| ربط باہم جو بھی ہے وہ سب بتایا آپ نے |
| قدموں پر جو بھی جھکا گوہر وہ اپنا پا گیا |
| ہیرے موتی سا خزانہ سب لٹایا آپ نے |
| کہنے کو لاکھوں کروڑوں لوگ دعویدار ہیں |
| اللہ کے فرمان پر چل کر دکھایا آپ نے |
| اللہ کے عرفان کی منزل دکھا دی سامنے |
| پھر حرا کا نور لے کر جگمگایا آپ نے |
| بے نوائی پر بھی میری لاج رکھی واہ واہ |
| معرفت کا شہر اک دل میں بسایا آپ نے |
معلومات