محمدی دیں کے سازگارو، تمہیں ہمارا سلام ہر دم

اے سیدہ پاکؑ کے دُلارو، تمہیں ہمارا سلام ہر دم

کتابِ لاریب کے سپارو، تمہیں ہمارا سلام ہر دم

امامِ بَر حقؑ کے جاں نثارو، تمہیں ہمارا سلام ہر دم

اے ملکِ صبرو رضا کے شاہو، اے زُمرہِ فقر کے اِمامو

اے کشورِ حق کے تاجدارو، تمہیں ہمارا سلام ہر دم

حبیبؓ و عثمانؑ و جعفرؑ و قاسمؑ و علی اکبرؑ و علمدارؑ

حُسینی لشکر کے شہسوارو، تمہیں ہمارا سلام ہر دم

حسینؑ سے کی جنہوں نے بیعت طلب سبھی پر ہماری لعنت

حُسینؑ کے سب طلب گزارو، تمہیں ہمارا سلام ہر دم

بہ صورتِ عجز کہتے ہیں شاہدؔ اور احبابِ کربلائی

خدائی رازوں کے رازدارو، تمہیں ہمارا سلام ہر دم