| مدینے سے آئیں کرم کی ہوائیں |
| مقدر دہر کے یہی جگمگائیں |
| ہے گھیرا فلک کو سدا رحمتوں کا |
| کریں فضلِ حق کی اے طالب دعائیں |
| چراغاں ہے النجم سے ہر فلک پر |
| منور ہیں الشمس سے یہ فضائیں |
| بہاریں ہیں لولاک سے اس چمن میں |
| ہیں وللیل کرتیں معطر ہوائیں |
| جو انساں کے محسن اٹھے ہیں حرم سے |
| جہنم میں طاغوت جلدی سے جائیں |
| ہیں شافی نبی میرے کُل مزنبیں کے |
| چلیں اُن کی راہیں ہمیں وہ بچائیں |
| گدا ہیں سدا ہم سخی مصطفیٰ کے |
| درِ غیر پر ہم یہ سر کیوں جھکائیں |
| کرم ہو کریمی بلا لیں مدینے |
| حوادث کبھی بھی نہ راہوں میں آئیں |
| اے محمود جگ پر ہیں احساں نبی کے |
| ملی خیر جن سے جہاں سارے کھائیں |
معلومات