| عَطائے مُرتضیٰؑ ہیں حضرتِ واصف علی واصفؒ |
| اِمامِ با صَفا ہیں حضرتِ واصف علی واصفؒ |
| علیؑ کا فیض ہر دم ہے‚ جو باتِ اِن کی مُکرم ہے |
| سٙلونی کی صٙدا ہیں حضرتِ واصف علی واصفؒ |
| جو صحرائے جہالت کو بدل دے باغِ علمی مِیں |
| وٙہی موجِ صٙبا ہیں حضرتِ واصف علی واصفؒ |
| دٙریچے گفتگو پڑھ لو‚ نٙوائے راز بھی پڑھ لو |
| سمجھ جاؤ گے کیا ہیں حضرتِ واصف علی واصفؒ |
| علی مولاؑ کے بیٹے ہیں اور آقاؐ کے دِوانے ہیں |
| خُدا کی یہ عَطا ہیں حضرتِ واصف علی واصفؒ |
| خُدا کو ڈھونڈنے والو‚ دَرِ واصفؒ پہ آ جاؤ |
| خُدا کا راستہ ہیں حضرتِ واصف علی واصفؒ |
| ہوں راہِ شوق کے راہی‚ کسی بھی سلسلے سے ہوں |
| سٙبھی کا مُدعا ہیں حضرتِ واصف علی واصفؒ |
| جُنون و عشق کے پیکر‚ نہیں اِن کا کوئی ہمسر |
| خِرد کے نا خُدا ہیں حضرتِ واصف علی واصفؒ |
| ہم اِن کے صدقے مولائی‚ اِنہیں سے پائی دانائی |
| کہ حیدرؑ آشنا ہیں حضرتِ واصف علی واصفؒ |
| دِل اَفْگار و شِکستہ رُوح کا مایوس لوگوں کا |
| اُمید و حوصلہ ہیں حضرتِ واصف علی واصفؒ |
| ہمارا یہ سٙہارا ہیں‚ خُوشی کا اِستعارہ ہیں |
| غَمِ دل کی دَوا ہیں حضرتِ واصف علی واصفؒ |
| سُکونِ رُوح کا ساماں‚ غَمِ دل بھی کریں ارزاں |
| بڑے ہی دل کُشا ہیں حضرتِ واصف علی واصفؒ |
| زَمانے سے جُدا کیسے نہ ہو شاہدؔ مقام اِن کا |
| علیؑ کے دلرُبا ہیں حضرتِ واصف علی واصفؒ |
| محمدشاہدؔعلی صابری |
معلومات