میں درد و الم کا مکمل جہاں ہوں |
محبت میں اک ذرہ ءِ بے نشاں ہوں |
مجھے یادوں کا درد و غم کا نشہ ہے |
مجھے ہوش کب ہے میں یارو کہاں ہوں |
محبت نے ڈھائے ستم کیسے کیسے |
کہ ظلم و ستم کا میں خود رازداں ہوں |
میں خوش دل جواں تھا محبت سے پہلے |
اب اپنی ہی حالت پہ نوحہ کناں ہوں |
خزاؤں سے میرا ہے کیا واسطہ اب |
بہاروں میں اجڑا ہوا گلستاں ہوں |
جہاں میں کہیں چین پایا نہیں ہے |
فَرِشتو سنبھالو کہ میں بے اماں ہوں |
بڑے شوق سے مار دو مجھ کو حامد |
میں اس زندگی سے بہت بدگماں ہوں |
معلومات