| بابِ نبی سے ناتا نعتِ رسول ہے |
| حسنین شیرِ یزداں بی بی بتول ہے |
| عکسِ جمالِ یزداں حسنِ حضور میں |
| گھوڑے یہاں خرد کے دوڑیں فضول ہے |
| اُن کے جمال پر ہے پردہ رکھا گیا |
| بارانِ کرم جن سے کرتا نزول ہے |
| راہِ نبی پہ حاصل فوزِ عظیم تر |
| سرمہ نظر کو جن کے قدموں سے دھول ہے |
| کون و مکاں زماں پر رحمت رسول کی |
| ممنون جس کرم کا ہر عرض و طول ہے |
| خُلقِ عظیم اُن کو کہتا ہے کبریا |
| اخلاقِ مصطفائی اعلیٰ اصول ہے |
| طاغوت ہے پریشاں اُن کے ورود سے |
| امت سے خلد بھرنا جن کا حصول ہے |
| محمود خلق ساری مشکور مصطفیٰ |
| ابلیس جس سے رہتا بے حد ملول ہے |
معلومات