| اس طرح سے ہم تِرے مہمان ٹھہریں |
| چُپکے چُپکے دل میں تیرے آن ٹھہریں |
| لہُو بن کے تیری رگ رگ میں سما جائیں |
| جِسم ہے تُو تو تِری ہم جان ٹھہریں |
| تیری آنکھوں میں رہیں بن کے کوئی خواب |
| اور دُعائوں کا تِری عنوان ٹھہریں |
| راز ہو جائیں تِری خوشیوں کا پھر ہم |
| بن کے ہونٹوں پر تِرے مُسکان ٹھہریں |
| جاگ میں ہم اور تیرے خواب میں ہم |
| ہم ہی تیری سوچ اور وجدان ٹھہریں |
| حال کیا ہو تیرا اے دِلِ نا اُمید |
| جو وصالِ یار کے امکان ٹھہریں |
| اِس گھنیری زُلف کے سائے میں زاہد |
| ہو کے دنیا سے کبھی انجان ٹھہریں |
معلومات