| روز ازل سے شروع ہے خیر و شر کی کہانی |
| اور ابد تک چلتی رہے گی بشر کی کہانی |
| پہلا قتل کیا قابیل نے اس دنیا میں |
| ہے تاریخ میں بھی محفوظ سفر کی کہانی |
| آسیہ تھیں خاتون پلے موسی بھی وہیں پر |
| قدرت رب کی ہے فرعون کے گھر کی کہانی |
| ظلم سہے اسلام کی خاطر ڈٹ کر سب نے |
| پڑھ لو مصعب اور بلال نڈر کی کہانی |
| دل سے کام کریں گے اور دکھائیں گے ہم |
| یاد رکھیں گے لوگ ہمارے ہنر کی کہانی |
| کیمرہ لے کر گھستے ہو لوگوں کے گھر میں |
| اور بتاتے ہو، یہ ہے اندر کی کہانی |
| میرا قلم مخلوق کے دکھڑے لکھتا ہے سب |
| اور اشعار میں ہوتی ہے ہر گھر کی کہانی |
معلومات