قسمتوں سے جدال کرتا ہوں |
حسرتوں کا قتال کرتا ہوں |
چاہتوں سے مری لڑائی ہے |
درد و غم پر میں ڈھال کرتا ہوں |
عشق میں درد کے سوا کیا ہے |
الفَتوں سے سوال کرتا ہوں |
روز تنہائیوں میں اپنی یوں |
بے خودی میں دھمال کرتا ہوں |
میں محبت تو کر نہیں سکتا |
دشمنی بے مثال کرتا ہوں |
کس نے پوچھا ہے حال مجھ سے کبھی |
میں تو سب کا خیال کرتا ہوں |
یارو گر تم اسی میں خوش ہو تو |
اپنا جینا محال کرتا ہوں |
دشمنو چند لمحے رک جاؤ |
سانس اپنی بحال کرتا ہوں |
زندگی مار لے تمانچہ مجھے |
تیرے آگے بھی گال کرتا ہوں |
درد سہہ کر بھی جی رہا ہوں ابھی |
میں بھی حامد کمال کرتا ہوں |
معلومات