| راحت بنی ہے من کی کیسی ہے یہ ہوا |
| شہرِ نبی سے ہے یہ تاباں کرے فضا |
| میلاد کا ہے ہمدم پیغام خلق کو |
| کہتی ہیں آمنہ بی آئے ہیں مصطفیٰ |
| گردوں سے آ رہے ہیں نغماتِ دل پذیر |
| صلے علیٰ حبیبی صلے علیٰ شہا |
| مجلس نے جھومنا ہے نعرہ ہو یا رسول |
| آیا وہ ہی ہے اس جا جس کو امر ہوا |
| یادِ لبیب ہمدم مولا سے خاص ہے |
| آمادہ گر نبی ہو دیتا ہے پھر خدا |
| قربان جاں ہو مولا آل و رسول پر |
| جو فاطمہ علی ہیں حسنین و مصطفیٰ |
| مولا قبول میرا ان پر سلام ہو |
| ہوں شاد پانچ تن یہ مقبولِ بار گاہ |
| محمود تو ہے بردہ آقا کریم کا |
| راضی رہیں یہ تجھ پر راضی رہیں سدا |
معلومات