| تمام عُمر شبِ غم بُھلا نہیں سکتے |
| یہ بھاری ہجر کا پتّھر اُٹھا نہیں سکتے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| خُدا کے بعد تُجھے کِتنا پیار کرتے ہیں |
| یہ دِل کی بات کسی کو بتا نہیں سکتے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہمارے ساتھ بھرم بھی نہ ٹُوٹ جائے کہیں |
| کہ رو تو سکتے ہیں آنسو بہا نہیں سکتے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہمارے صحن میں اتری ہیں درد کی راتیں |
| کہا یہ کس نے کہ ہم مُسکرا نہیں سکتے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کہ اب تو آنکھیں بھی دیتی نہیں ہیں ساتھ اپنا |
| کہ اب تو روگ بھی دِل کا چُھپا نہیں سکتے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہم اپنی خاک فقط کوزہ گر کو سونپیں گے |
| دھویں کے ساتھ ہوا میں اُڑا نہیں سکتے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| شبِ فِراق بھی مانؔی خدا کی نعمت ہے |
| کیا اِس میں پیار کے نغمے سُنا نہیں سکتے |
معلومات