| اچھے اچھے پیارے بچے |
| پیارے ہیں وہ موتی سچے |
| وقت پہ اپنے کام کریں |
| نیک عمل کو عام کریں |
| پیار کے نغمے گاتے ہیں |
| شام کو پارک جاتے ہیں |
| سب کا کرتے ہیں اکرام |
| رب کا ان پر ہے انعام |
| پانچ نمازیں پڑھتے ہیں |
| آپس میں نہیں لڑتے ہیں |
| روز سکول کو جائیں وہ |
| اچھے دوست بنائیں وہ |
| اوروں کو بھی کہتے ہیں |
| صاف اور ستھرے رہتے ہیں |
| سب کو پیارے لگتے ہیں |
| چاند ستارے لگتے ہیں |
| ہر سُو اُن کا چرچا عام |
| کرتے ہیں وہ اچھے کام |
معلومات