| اسی کے ہاتھ میں سب فیصلہ عطا کا ہے |
| نصیب کیا ہے اگر حکم سب خدا کا ہے |
| کسی کو عقل دے کے رزق کی کمی کردی |
| کسی کے گھر میں خوشی اور کہیں غمی کر دی |
| کوئی دو وقت کی روٹی کو بھی ترستا ہے |
| کوئی نہ کچھ بھی کرے گھر میں دھن برستا ہے |
| کسی کو روز ہی مزدوری کرنی پڑتی ہے |
| طلب ہے جسم کی جو پوری کرنی پڑتی ہے |
| کسی کے گھر میں ہے اولاد کی فراوانی |
| کہیں پہ بچہ نہ ہونے کی ہے پریشانی |
| ہے بادشاہ کا فرزند حکمران ہے وہ |
| غریب گھر کا ہے بیٹا بڑا نا دان ہے وہ |
| کسی نے خوب کہا علم ہی نہیں اچھا |
| ہے مال و دولت و صحت بھی تو بہ فضلِ خدا |
| نصیب ہاتھ سے اچھا کوئی بناتا ہے |
| خدا کے فضل سے گھر میں کسی کے آتا ہے |
| وہ ابتلا سے اگر آزمائے صبر کرو |
| ملیں جو نعمتیں اس سے تو ان کی قدر کرو |
| خدا کے سامنے جھک جائیں تا ہو وصل اُس کا |
| مگر نصیب تبھی ہو اگر ہو فضل اُس کا |
| نصیب میں نہیں طارق جو اُس کو پاؤ نہیں |
| خُدا کے در پہ جھکو اس کو آزما او نہیں |
معلومات