| زمیں پر قدم جب جماتا ہے لٹَُّو |
| نئے رنگ کیا کیا دکھاتا ہے لٹَُّو |
| تھرکتا ہے جب پیچ کھاتا ہے لٹَُّو |
| وجود اپنا سارا ہلاتا ہے لٹَُّو |
| دلوں کو رجھاتا رلاتا ہے لٹَُّو |
| تماشے بڑے ہی رچاتا ہے لٹَُّو |
| انوکھی سی محفل سجاتا ہے لٹَُّو |
| مقابل سے چونچیں لڑاتا ہے لٹَُّو |
| تکبر بھرا سر اٹھاتا ہے لٹَُّو |
| کسی کو نہ خاطر میں لاتا ہے لٹَُّو |
| فقط چند گھڑیاں ہی پاتا ہے لٹَُّو |
| کہ رفتار اپنی گھٹاتا ہے لٹَُّو |
| قدم در قدم لڑکھڑاتا ہے لٹَُّو |
| کہ چپکے سے رُک رُک ہی جاتا ہے لٹَُّو |
| لرزتا ، چکر چند کھاتا ہے لٹَُّو |
| زمیں پر جو خود کو گراتا ہے لٹَُّو |
| دکھا کر یہ آئینہ انساں کو زاہد |
| سبق زندگی کا سکھاتا ہے لٹَُّو |
معلومات