| وصل میں ہجر مانگتی ہو گی |
| یہ محبت تو سر پھری ہو گی |
| ختم آخر یہ دل لگی ہو گی |
| یہ محبت ہی آخری ہو گی |
| پھول آنگن میں کھل رہے ہونگے |
| ہجر کی آخری گھڑی ہو گی |
| بند آنکھوں سے دیکھتے ہو نگے |
| جن کی آنکھوں میں عاشقی ہو گی |
| چاندنی کا لباس پہنے گی |
| جسکی آنکھوں میں چاندنی ہوگی |
| میری آنکھوں سے خواب دیکھے گی |
| مجھ کو وہ اپنا مانتی ہو گی |
| میری رنگت سے میل کھاتی ہے |
| اُسکی رنگت تو گندمی ہو گی |
| سید ہادی حسن |
| ۲۰ فروری،، ۲۰۲۲ ۔۔۔۔اتوار رات گیارہ |
معلومات