مجھے حاصل ایسی ہدایت ہو |
ترے عشق میں تیری عبادت ہو |
ہو تیری خوشی میں خوشی میری |
مرے دل میں ایسی چاہت ہو |
مجھے حاصل ایسی ہدایت ہو |
ترے عشق کا جھولا جھول گیا |
پتھر کی جگہ بن پھول گیا |
ترے عشق میں ایسے ڈوبا جو |
وہ ساری دنیا بھول گیا |
جس پر تو راضی ہو جائے |
پھر اس سے کس کو شکایت ہو |
مجھے حاصل ایسی ہدایت ہو |
تو ویراں دل آباد کرے |
تو روکھے من کو شاد کرے |
خوشیوں سے دامن بھر ڈالے |
جب کوئی بھی تجھ کو یاد کرے |
میں ایک خطا کا پتلا ہوں |
تری مجھ پر خاص عنایت ہو |
مجھے حاصل ایسی ہدایت ہو |
ترے گھر کی شان و شوکت کو |
ترے مکہ مدینہ کی عظمت کو |
میں دیکھوں اپنی آنکھوں سے |
کر پورا میری حسرت کو |
ترے یار کا روضہ بھی دیکھوں |
ترے گھر کی نصیب زیارت ہو |
مجھے حاصل ایسی ہدایت ہو |
معلومات