| خدا کو ہے پیاری ادا مصطفیٰ کی |
| رضائے خدا ہے رضا مصطفیٰ کی |
| ہے آقا کی سیرت چراغِ ہدایت |
| ہے ایماں کی زینت ثنا مصطفیٰ کی |
| ہیں احساں نبی کے خدا کی خَلق پر |
| ہے امت کی خاطر دعا مصطفٰی کی |
| منور ہیں اُن سے مہر ماہ و تارے |
| ہے دونوں جہاں میں ضیا مصطفیٰ کی |
| ہیں نغمات اُن کے فضائے دہر میں |
| جہاں میں ہے مدحت عُلا مصطفیٰ کی |
| ملے گی شفاعت گنہگار کو بھی |
| کہ بحرِ کرم ہے عطا مصطفیٰ کی |
| وہ نورِ مبیں ہیں وہ قرآن والے |
| ہے جاری جہاں میں سخا مصطفیٰ کی |
| اے محمود عشقِ نبی مانگ اُن سے |
| رہے تازہ دل میں وفا مصطفٰی کی |
معلومات