| تیرہ نصیب شخص کو نورِ سحر سے کیا |
| امید کے افق پہ ستارہ ہے آخری |
| ہم دیکھتے ہوئے انہیں دیکھا کریں گے کیا |
| مدنظر نظر کو نظارہ ہے آخری |
| عشاقِ چشم و گیسوئے جاناں گزر چکے |
| ثانی اسیرِ نازِ خود آرا ہے آخری |
| کیا دل کے کارواں کا بھی لٹنا تھا اور کچھ |
| کیا جان سے ہی جانا خسارہ ہے آخری |
| تم رفتہ رفتہ چھوڑ کے جانے لگے مجھے |
| اب تم کو چاہنا ہی دوبارہ ہے آخری |
| دھڑکن کے پہلے لمحے یہ غمزہ یہ جنبشیں |
| انگشتِ نازنیں سے اشارہ ہے آخری |
| میں لہو سے دل کی فضا میں کیا جو خلق |
| وہ آسمانِ عشق کا تارا ہے آخری |
| چلتی ہے جس کے غمزے سے دنیائے کن فکاں |
| اک بے خبر نگاہ سہارا ہے آخری |
| دیکھو متاعِ سوختہ ساماں کرید کر |
| اس راکھ میں بھی کوئی شرارہ ہے آخری |
| ہر جنگجو نگاہ سے لٹتا رہا ہے یہ |
| کیا شہرِ دل پہ اس کا اجارہ ہے آخری |
| ثانی ارریاوی |
معلومات