| یہ جوانی تو رائیگانی ہے |
| ایک مدت ہے جو بِتانی ہے |
| مختصر سا مرا خلاصہ ہے |
| مختصر سی مری کہانی ہے |
| خوبرو اختیار ہے کس کا |
| ایک نطفے کی مہربانی ہے |
| کس کی میراث ہے یہ شکل بتا |
| دو زمیں زادوں کی نشانی ہے |
| تو کسی اور سے مشابہ ہے |
| تو کسی اور کی کہانی ہے |
| ہائے اس مسئلے پہ حال ہوئے |
| کتنی ماؤں کے لال، لال ہوئے |
| آج اک بات مجھ کو کھل کے بتا |
| آج اک راز سے تو پردہ ہٹا |
| تجھ پہ اترا ہے وجد لفظوں کا؟ c |
| تیرے سینے میں آگ آئی ہے؟ |
| آ مرے پاس تجھ کو بتلاؤں |
| زخم دل زخم جان کیا شے ہے |
| اک شجر کی امان کیا شے ہے؟ |
| اس پہ کیسے کرے گا تھیسز تو؟ |
| اک پرندے کے سر پہ اڑنے کا |
| آسماں میں گمان کیا ہوگا؟ |
| کس قدر پنکھ کھولتا ہوگا |
| کس قدر دل ٹٹولتا ہوگا |
| تو کہ دنیا سے ماورا ہے اور |
| تجھ پہ جوبن چڑھی جوانی ہے |
| میں تجھے ایک بار پھر کہہ دوں |
| یہ جوانی تو رائیگانی ہے |
معلومات